Pubblicità
HomeBLOGRaimundus VieyraOmnia vincit amor

Omnia vincit amor

Omnia vincit amorRaimundus lectrici, lectori suo sal.

Interdum non est facile invenire amorem. Est sicut quaerere inter rupes, scopulos et lapides, donec saxum quoddam invenimus cordis instar. Et contentos nos esse dicimus his lapideis adfectibus, sed in intimo animo bene scimus nos aliquid altius et profundius desiderare.

Multi cedunt amori et alii adhuc sese interrogant cur amor fixus sit cruci. Non equidem invideo amantibus, mirabar potius quare tam varius et diverse amor intellegeretur. Multa reddunt homines maturiores, at nulla ex his rebus dulcior erat quam amor. Amor efficiebat sane ut homines res recte perpenderent. Amor praebebat eis vires in difficultatibus, amor eis dabat gaudium et laetitiam in doloribus, sanabat utique eorum vulnera, amor reddebat vincula calidiora, ut uno denique verbo constringam, amor dabat eis quod non habebant, et uberius reddebat quicquid habebant. Beatus est homo qui amorem invenit. Is enim invenit omnia.

Multi autem alii corruperunt amorem, eum cum suis voluptatibus commutarunt, pro oblectamentis tenuerunt. Dixerunt se instruere iuvenes, quoniam magna scientia erant praediti, et potius eos ad facinora induxerunt. Et ita docuerunt. Vae iis, qui coram Auctore amoris poenam solvere debebunt. Scientia inflat, caritas vero aedificat (1 Cor 8, 1). Esto igitur cautus et prudens quisquis hoc legis. Amor tractatur sicut res, sed superat omnes res; est vinculum firmissimum inter homines, est causa nobilium rerum, est denique Deus qui carnem sumpsit. Non est falsus deus ille turpis sc. Cupido qui venenatis sagittis deturpat sana commercia inter homines. Eius non est vincere sed vincire. Is non superat sed alligat.

Caritas autem patiens est, benigna est. Caritas non aemulatur, non agit perperam, non inflatur, non est ambitiosa, non quaerit quae sua sunt, non irritatur, non cogitat malum, non gaudet super iniquitate, congaudet autem veritati. Omnia suffert, omnia credit, omnia sperat, omnia sustinet (1 Cor 13, 4-7). Caritas est amor qui re vera omnia vincit. Tunc et nos recte cedemus amori (cf. Virg. Eclog. 10, 69). Vale.

Dabam iuxta Sanctam Crucem apud Vindobonam d. 9 m. Iulii a. D. MMXV

Informazioni sulla Donazione

Vorrei fare una donazione del valore di :

€100€50€10Altri

Vorrei che questa donazione fosse ripetuta ogni mese

Informazioni sulla donazione

SCRIVI UNA RISPOSTA

Scrivi il commento
Inserisci il tuo nome

Pubblicità
Pubblicità

I nostri social

305,867FansLike
20,918FollowersFollow
10,023FollowersFollow
8,600SubscribersSubscribe

News recenti

La storia di Salvatore Lucchesi, ordinato sacerdote da Papa Francesco

Salvatore: faceva il barista e aveva una fidanzata ma Papa Francesco...

Salvatore Lucchesi è stato ordinato sacerdote dal Papa "La vita si può cambiare se vogliamo. Dio ti ama per quello che sei..." (Fonte gds.it) Tra i...