Mihi non longe ab hodierno die solatium quoddam quaerenti evenerunt quaedam preces, quarum notitiam tum quam latissime diffundere mihi ipse proposui, quas quidem etsi Hispanice repperi, in sermonem Latinum conversas vobis Latine legentibus commodo. Neque non oro vos ut, si cordi vobis fuerint, easdem ipsi diffundatis. Etiam sancti gaudent de nostra fiducia erga se et ideo erga Deum, omnium bonorum Patrem. Precemur ergo ad invicem, quo nihil humanius his diebus invenio:
Oh, Sancte Iosephe, cuius protectio adeo magna est ac valida et operatrix coram Dei throno, in manibus tuis omnia vota mea ac desideria commendo. Oh, Sancte Iosephe, adesto mihi cum intercessione tua potenti. Intercede pro me ut ex tuo Filio Divino, Domino Nostro, omnem spiritalem benedictionem, qua indigeo, accipiam, ita ut, auxilio tuae potestatis caelestis tandem in hac terra accepto, gratitudinem et honorem Patri Amabilissimo offerre possim. Oh, Sancte Iosephe, numquam desinam te contemplari cum Puero Iesu in bracchiis tuis dormiente. Non audeo appropinquare, dum is in tuo corde quiescit. Eum valide amplectere nomine meo itemque eius dulcem ac teneram frontem osculare. Tum roges eum, quaeso, ut mihi reddat hoc osculum in hora postremi halitus mei. Sancte Iosephe, patrone mortalium omnium, ora pro nobis. Amen.
[Exoretur novies mane continuatim pro intentione, quae quidem impetrari desideratur, neque pro eis, qui non precantur, precari omittatur. Numquam vel raro id fallit. Impendatur quoque opera, ut hae preces fiant notae et haec devotio diffundatur in omnes partes]
di Raimundus Vieyra
Novena a San Leopoldo Mandic (3 Maggio 2024, primo giorno di preghiera) Inizia oggi la 'potente' novena di preghiera a…
Novena alla Madonna di Pompei per chiedere grazie Novena alla Madonna di Pompei – Quinto Giorno – 3 Maggio 2024,…
San Giacomo il Minore: la vita dell'apostolo martire San Giacomo (detto il Minore) fu uno degli apostoli di Gesù; resse…
San Filippo, Apostolo: la vita e una preghiera da recitare oggi, 3 maggio, festa del Santo San Filippo apostolo, menzionato…
Madonna della Croce, prega per noi Ti offro, o Madre mia Santissima, tutti i miei pensieri, gli affetti, le preghiere,…
Vangelo di oggi: 3 Maggio (Lettura e Commento) Lettura e commento al Vangelo del giorno - Gv 14,6-14: "Da tanto…